म तिमीलाई माया
गर्छु भनेर
भावको शब्दानुवाद
किन गर्नुपर्यो ?
प्रेम गरे पनि
बेलीबिस्तार किन लगाउनुपर्यो ?
पूर्वीय संस्कृतिका ध्वजावाहकहरू भन्छन् :
कृष्ण र राधिकाको
निःशब्द प्रेम!
सँगै नबसे पनि, कहिल्यै नभेटे पनि,
कुनै गुलाब नदिए
पनि, उदाहरणीय प्रेम !
घरबाट गर्भिणी
पत्नीलाई निकाले पनि,
अविश्वासमा अग्निपरीक्षा
गराएपनि,
रामको नै हो
आदर्श प्रेम!
योग सिक
प्रेमलाई परेला
र ओंठ भित्र थुन्न सक्नुपर्छ
अव्यक्त र मौन प्रेमको
लागि जीवनको आहुति दिने हे राधा र सीता !
के तिमी व्यक्त
प्रेम मनपराउँदैन थियौ ?
भाव व्यक्त गर्न
बन्देज लगाउने हाम्रो विशेषता हो भने
प्रणय दिवसमा
फूल र चकलेटको वर्षा गर्ने प्रेमी मनहरू
भावलाई शब्द
र क्रियामा अनुवाद गर्ने वाचाल हृदयहरू!
के तिम्रो प्रेम
आदर्श र उदाहरणीय होइन ?
Comments
Post a Comment